Үздік оқырман

 «Кітап оқитын ұлт» жобасы – №33 мектеп кітапханасында өтті!

Бүгін Кенесары Қасымұлы атындағы №33 мектеп кітапханасында «Кітап оқитын ұлт» республикалық жобасы аясында мазмұнды іс-шара ұйымдастырылды.

Шараның негізгі мақсаты – оқушылардың кітап оқуға деген қызығушылығын арттыру, оқу мәдениетін қалыптастыру және рухани дамуына ықпал ету.

Іс-шара барысында оқушылар өздерінің сүйікті кітаптарын таныстырып, қазақ және әлем әдебиетінен үзінділер оқыды. Сонымен қатар, «Кітап – білім бұлағы» атты кітап көрмесі ұйымдастырылып, жас оқырмандар өз ойларын ортаға салды.

Белсенді қатысушылар марапатталып, мектеп кітапханасының жаңа қорымен танысты.

Мұндай игі шаралар жас ұрпақтың кітапқа деген сүйіспеншілігін арттырып, білімге құштар болуына зор әсер етеді.

 Кітап – рухани байлықтың қайнар көзі!