Сізді 1 наурыз – Алғыс айту күнімен ерекше ілтипатпен құттықтаймыз! Бүгінгі күн -өткенге салауат айтып, барымызды бағалайтын, Сіздей асыл тұлғаларға жүрекжарды ризашылығымызды білдіретін ерекше сәт.Бастауыш сынып — білім әлемінің бастауы. Сіз сол бастаудың басында тұрып, мыңдаған шәкірттің санасына адамгершілік пен білімнің дәнін ектіңіз. Кенесары Қасымұлы атындағы №33 мектептің бүгінгі жетістігі — Сіздің жылдар бойы төккен маңдай теріңіз бен кәсіби шеберлігіңіздің жемісі.     

           "Мұғалім — өзінің уақытын аямай, өзгенің бақытын аялайтын жан." Сіздің әрбір сабағыңыз — біз үшін үлкен өмір мектебі. Еңбегіңіздің зейнеті — әрбір алғыс айтқан шәкіртіңіздің жетістігі Сізге қуаныш сыйласын.

Сізді бүгінгі Алғыс айту күнімен Кенесары Қасымұлы атындағы №33 жалпы орта білім беретін мектептің бастауыш сынып мұғалімдері атынан шын жүректен құттықтаймыз! Ұстаздық жол -ең қиын, бірақ ең асыл жол. Сіз осы жолда талай шәкірттің «әліппесін» ашып, олардың алғашқы қалам ұстаған саусақтарына күш, санасына сәуле бердіңіз. Сіздің мейірім толы жанарыңыз бен сабырлы үніңіз қаншама баланың тағдырына жол сілтеді. Баланы тек біліммен емес, жүрекпен тәрбиелеуді, қандай жағдай болмасын, ұстаздық абыройды биік ұстауды ту еткен ұстаздарымызға алғысымыз шексіз! "Жақсы мұғалім — мектептің жүрегі." Сіз біздің мектептің соғып тұрған жүрегі, сарқылмас тәжірибе мектебісіз. Біз Сіздің ізіңізді басып келе жатқанымызды мақтан тұтамыз. Сіздің жүріп өткен жолыңыз — біз үшін нағыз мектеп, нағыз өнеге. Төріміздің сәні, ұжымымыздың мақтанышы болып аман-есен жүре беріңіз!